Viola tricolor

Lýsing

Blöð eru gróftennt, hin neðstu sporbaugótt, en hin efri lensulaga til öfugegglaga. Axlablöðin eru stór og fjaðurskipt. Stöngullinn er oftast marggreindur neðst, jarðlægur eða uppréttur.

Blómin eru breytileg að lit en venjuleg litasamsetning er fjólublátt, gult og hvítt eins og viðurnafnið tricolor (þrír litir) segir til um. Þau eru óregluleg (einsamhverf).

Nytjar

Sé hnefafylli af ferskum blöðum soðin í mjólk og tekið inn kvölds og morgna er talið að það eyði hrúðarkvilla í húð.