2b_Grimur

Aldur – bekkur

2. bekkur

Tími

3×80 mín kennslustundir

Kveikja

Nemendum sýnd mynddæmi af  grímum frá ýmsum löndum og rætt um þær, af hverju þær hafi verið gerðar eða til hvers. Rætt um hverjir gangi með grímur og hvers vegna, hvernig grímurnar eru skreyttar og hvaða form þau sjái, hvort það séu grunnform eða náttúruleg form og hvort þau myndi mynstur. Einnig er rætt um litanotkun, hvort notaðir séu frumlitir eða blandaðir litir.

Framkvæmd

Nemendur teikna grímu á stíft karton. Gott er að nota skapalón til að miða út augu, nef og lágmarksstærð til að gríman passi og nemendur teikni ekki of lítið eða of stórt. Þeir geta þó breytt laginu á þeim ef þeir vilja t.d með því að teikna horn eða aðra útúrdúra. Nemendur eiga síðan að teikna form og mynstur á grímurnar og lita með Neocolor I litum. Áhersla er lögð á að lita vel og jafnt til að formin og mynstrin njóti sín.

Að þessu loknu klippa nemendur grímurnar út en kennari sér síðan um að skera út fyrir augum og nefi og setja teygju í grímurnar.

Ef tími vinnst til má skreyta grímurnar enn frekar með alls konar hlutum s.s. fjöðrum, baunum, garni o.fl. Þá er best að lakka yfir með glæru vatnslakki.

Myndir – mynddæmi

Tengt efni

Markmið – áhersla

Nemendur:

  • vinni myndræna frásögn úr nánasta umhverfi, upplifunum og ímyndunum með því að vinna á fjölbreytilegan hátt með viðeigandi efni, verkfæri og aðferðir
  • skoði mismunandi mynddæmi sem tengjast þeim verkefnum, hugtökum og miðlum sem unnið er að hverju sinni

Undirbúningur

  • Prenta út og stækka grímuskapalón
  • Taka til efni og sýnishorn í verkefnið

Efni – áhöld – hjálpargögn

  • Grímuskapalón (ath stækka í 125%)
  • Stíft karton (t.d. afgangar frá Odda (Kassagerðinni))
  • Blýantar (og strokleður ef þarf)
  • Neocolor I
  • Skæri
  • Rúnnuð teygja

Nafn sendanda

Sigrún Ólafsdóttir

Skóli

Borgaskóli

Gefðu verkefninu einkunn:

[ratings]

Athugasemdir

Skrifaðu athugasemd