Calluna vulgaris

Lýsing

Blöð eru mjög lítil, barrlík, stilklaus og niður úr þeim ganga tveir separ. Þau eru í tveimur gagnstæðum röðum á stöngli, svo að greinarnar sýnast ferstrendar.

Blóm eru lítil í löngum klösum. Bikarinn er helmingi lengri en krónan en er eins á litinn.

Nytjar

Beitilyng var fyrrum talin afbragðs beitarjurt.
Te af beitilyngi er sagt gott við nýrna- og blöðrusteinum. Beitilyngshunang er talið mjög hollt.
Þá er lyngið vinsælt til litunar, því að fá má fram mörg litbrigði: Gult, gulgrænt, grænt, mógrænt eða dökkbrúnt, með mislangri suðu og íblöndun blásteins og vítríóls .