Matricaria maritima

Lýsing

Blöð eru tvífjaðurskipt. Smábleðlar blaða eru striklaga og örmjóir.

Blómin eru tvenns konar og sitja saman í körfu. Margir halda að karfan sé aðeins eitt blóm. Það er hún svo sannarlega ekki, heldur mörg blóm. Í miðju eru gul hvirfilblóm, svonefndar pípukrónur, en við jaðarinn eru hvít geislablóm, svokallaðar tungukrónur. Körfurnar eru stórar, 3 til 5 cm að þvermáli, og sitja oft margar saman í hálfsveip.

Nytjar

Baldursbrá er þekkt lækningaplanta. Hún var einkum notuð við kvensjúkdómum. Við tannpínu var lögð marin baldursbrá á eyrað þeim megin sem verkurinn var.

Að auki þótti te af blöðum og blómum svitadrífandi , ormdrepandi og hjartastyrkjandi.