Veldu höfuðborg í Evrópu, í samráði við kennarann þinn. Veldu endilega einhverja borg sem þú þekkir ekki vel til, það er skemmtilegra að kanna ókunnar slóðir!

Finndu borgina í Google Earth.

Flestar borgir hafa kennileiti (e. landmarks). Kennileiti eru þeir staðir sem oft hafa merkilega sögu, eru fallegir, skemmtilegir eða áhugaverðir. Kennileitin vekja því oft áhuga ferðamanna sem flykkjast að til að sjá þau. Notaðu netið til að kanna hvaða kennileiti eru í borginni og finndu staðsetninguna með hjálp Google Earth.

Farðu núna inn í götumyndir(streetview) og taktu skjámyndir af kennileitum borgarinnar.

Ekki eru allar höfuðborgir Evrópu með slóðir fyrir ferðalanginn að fara eftir. Ef engar götumyndir eru í boði prófaðu þá að kveikja á þrívíddarbyggingum í borginni (sjá verkefni 4) og sjáðu hvort þú finnir ekki kennileitið þitt.

Þegar þú ert komin/n með mynd af kennileiti skaltu setja hana inn í ritvinnsluforrit og skrifa eins mikið og þú finnur um það kennileiti sem þú valdir.

• Hvert er kennileitið?
• Hvar er það?
• Af hverju er það frægt?
• Ef það er listaverk (t.d. stytta), eftir hvern er það?
• Annað sem þér finnst þurfa að koma fram.