Markmið

Að sýna fram á tengsl eigin samfélags við umheiminn.

Efni og gögn

Kort af heiminum, teiknibólur, garn.

Aðferð

1. skref

Nemendur halda dagbók um allan mat sem þeir borða heima við og skrifa hjá sér frá hvaða landi hver matvara kemur. Skýrið að flest pökkuð matvæli taka fram framleiðslulandið á miðanum og oft þurfi að lesa vel á merkimiðann.

2. skref

Nemendur finna á korti þann stað eða land sem vörurnar koma frá, merkja staðinn með teiknibólu og draga línu frá framleiðslulandinu til Íslands.

3. skref

Bekkurinn ræðir nú saman um eftirtalin málefni:

• Er mestur hluti matvaranna framleiddur á Íslandi eða er mest af þeim innflutt frá öðrum löndum?
• Kom þér á óvart hvaðan matvörurnar koma?
• Eru einhver lönd eða heimshlutar sem þú vildir helst ekki kaupa matvörur af? Ef svo er, þá af hverju?
• Veldu eitt þeirra landa sem selja matvörur til Íslands. Getur þú ímyndað þér einhverjar aðstæður í þessu landi sem gætu valdið erfiðleikum við að nálgast vörur þaðan?

Tilbrigði

Verkefnið getur einnig verið sett upp á þann hátt að nemendur kynna sér og merkja á kort:

• uppruna klæðnaðar síns
• uppruna kvikmynda, tónlistar, myndbanda og fleira í þeim dúr

Verkefninu fylgt eftir

• Nemendur gætu kynnt sér vöru sem hefur fleira en eitt framleiðsluland, til dæmis bifreið eða fatnað. Hvaða lönd lögðu til hráefni, hluti eða vinnuafl til þess að framleiða þessa vöru?
• Nemendur heimsækja kjörbúð í nágrenninu og rannsaka og spyrjast fyrir um af hverju búðin kaupir vörur frá tilteknum löndum.

Tengsl við námskrá

Verkefni þetta felur í sér lesskilning og kortalestur og væri því hentugt fyrir sögu- eða landafræðitíma. Í stærðfræði væri hægt að útbúa gröf til þess að sýna mismunandi magn innflutnings frá hinum ýmsu heimshlutum.