Markmið

Að fá nemendur til að rýna í umfjöllun fjölmiðla um átök og ágreining, sérstaklega þau mál sem hafa verið leyst með hjálp ofbeldis, og að hvetja nemendur til að draga í efa þær staðalímyndir sem fjölmiðlar sýna.

Efni og gögn

Eintök af Ágreiningur í fjölmiðlum - vinnublað (sjá neðar).

Aðferð

1. skref

Hver nemandi fær eintak af Ágreiningur í fjölmiðlum - vinnublað. Nemendur velja sér sjónvarpsþátt sem fjallar um einhvers konar ágreining til að horfa á heima og svara síðan spurningunum á vinnublaðinu. (Senda mætti skýringarbréf til foreldra nemendanna áður en verkefnið hefst).

2. skref

Þegar nemendur hafa klárað vinnublaðið ræðir bekkurinn þau mynstur sem nemendur hafa komist að. Útkoma könnunarinnar gæti verið skýrari ef hún væri sett upp í graf. Eftirtaldar spurningar má nota í umræðu:

• Hvaða gerðir ágreiningsmála voru algengastar? (Vísa má til flokkanna sem stungið var upp á í Verkefni 2, ef nauðsyn er).
• Hvort voru fleiri karlmenn eða konur viðriðin ágreininginn? Hvers konar ágreiningi áttu karlmenn oftast þátt í? Hvaða gerðum ágreiningsmála áttu konur oftast þátt í?
• Var fólk af mismunandi kynþáttum og þjóðernum sýnt taka þátt í ágreiningi? Hvers kyns ágreiningi þá? Hvaða mynstur, ef einhver, fannst ykkur koma fram með tilliti til kyns eða kynþáttar og af hverju teljið þið að þetta gerist í umfjöllun fjölmiðla um ágreining?
• Hversu hátt hlutfall ágreiningsmála sem voru sýnd var leyst á ofbeldisfullan hátt?
• Hvers vegna haldið þið að ofbeldi sé svo oft sýnt í sjónvarpi?

.

Tilbrigði

Best væri að bera saman tvenns konar gerðir fjölmiðla og umfjöllun þeirra um ágreining, til dæmis dagblöð og sjónvarp.

Verkefninu fylgt eftir

Nemendur gætu skrifað bréf til sjónvarpsstöðva eða ritstjóra dagblaðanna til að tjá skoðanir sínar á ofbeldi í fjölmiðlum.

Tengsl við námskrá

Verkefnið þróar athyglisgáfu, gagnrýna hugsun, hvetur nemendur til að tjá sig og kynna og útskýra mál sitt. Verkefnið má nota í íslenskukennslu eða fjölmiðlafræði. Einnig mætti fella það inn í stærðfræðikennslu, t.d. geta nemendur greint niðurstöðurnar með því að setja þær upp í línurit.